HJÁLP

Í listanum vinstra megin eru þau þemu sem hægt er að sýna, skoða og gera fyrirspurnir til í kortaglugganum. Listanum er skift í nokkra flokka eftir eiginleikum þemanna. Sum þemu geta jafnvel kallað á önnur skjöl eins og hringmyndir eða skönnuð lóðablöð. Flokkar þemanna eru eftirfarandi:

• Lagnir: Þarna eru birtar upplýsingar um lagnir sem borgin ber ábyrgð á auk lagna Landssímans. Hægt er að teikna lagnir á kortið auk þess að benda á einstaka lagnir og fá nánari upplýsingar um þær í sérstakan upplýsingaglugga.
  
  
• Upplýsingar: Undir þessum flokki er safnað saman þemum sem veita m.a. upplýsingar úr gagnagrunnum LUKR. Allar upplýsingar birtast í sérstökum glugga. Þessi þemu eiga það sameiginlegt að þau birtast yfirleitt ekki á kortinu að undanskildum hringmyndum. Þegar hringmyndir eru valdar birtast punktar á kortinu sem sýna staðsetningu staða þar sem teknar hafa verið hringmyndir (360 gráðu myndir). Núverandi hringmyndir voru teknar árið 2000 af Landmati ehf fyrir Reykjavíkurborg.
  
  
• Framkvæmdir: Í þessum flokki birtast áætlaðar framkvæmdir borgarinnar og veitufyrirtækja á yfirstandandi ári á hverjum tíma. Hægt er teikna þær á kortið auk þess að benda á einstaka lagnir og fá nánari upplýsingar um þær í sérstakan upplýsingaglugga. Þarna er einnig hægt að fá upplýsingar um þær lóðir í borginni sem eru lausar til úthlutunar.
  
  
• Þjónusta: Undir þessum flokki er hægt að fá upplýsingar um ýmsa þjónustu sem borgin veitir. Þær byggingar sem hýsa viðkomandi þjónustu fá sérstakan lit og hægt er að fá frekari upplýsingar um þær í sérstakan upplýsingaglugga.
  
  
• Annað: Undir þennan flokk falla ýmis þemu sem ekki eiga heima annarsstaðar og eru oft notuð sem uppfylling á kortið, eins og myndkort (orthomyndir), hæðarlínur og grunnmynd. Myndkortin eru unnin eftir loftmyndum teknum úr annars vegar 9200 m, hins vegar 850 m hæð. Borgarverkfræðingur á bæði myndkortin og loftmyndirnar og þar með útgáfu- og dreifingarrétt þeirra. Athugið að hús og lagnir sjást ofan á myndkortinu en allt annað hverfur undir það. Hluti myndkorta úr 850 m. hæð er endurnýjaður árlega og er reynt að hafa myndirnar aldrei eldri en 4 ára.
  Hæðargrundvöllur húsa og myndkorta er yfirborð jarðar. Þar sem að þök húsa standa þó nokkuð ofan jarðaryfirborðs hliðrast þau örlítið til í uppréttum loftmyndum, af þeim sökum falla þakfletir á mynd ekki alltaf saman við húsfláka. Hlutir við jarðaryfirborð, s.s. götukantar eiga aftur á móti að falla ofan í myndirnar.

Til að birta þema á korti þarf að smella á það, þá verður nafn þess blátt sem merkir að það teiknast á kortið. Teiknun fer ekki sjálfvirkt í gang og þarf notandinn að ákveða hvenær endurteiknun á sér stað og getur þannig valið mörg þemu og sett teiknun í gang með því að ýta  á endurteiknunarhnappinn. Þá birtast valin þemu á kortinu. Sum þemu eru kvarðastillt þannig að þau birtast ekki fyrr en að kortið er komið í ákveðna stærð af mælikvarða og önnur hverfa þegar mælikvarði stækkar, t.d. eru götur teiknaðar sem miðlínur í smáum kvörðum en þegar kvarðinn stækkar (notandi hefur þysjað sig inn) breytast þær í fláka með kantlínum. Ef þema birtist ekki þegar búið er að endurteikna þarf því líklegast að þysja inn í kortið til að fá það fram. Kvarðastillingar eru notaðar til þess að létta birtingu kortsins enda verður vinnsla mjög þung ef t.d. lagnir eða hæðarlínur eru teiknaðar yfir alla borgina. Einnig er haft í huga við kvarðastillingar að hlutir sé ekki birtir fyrr en þeir eru orðnir skýrir. Þjónustuþemu birtast t.d. aldrei á yfirlitskorti en koma fram þegar borgarhverfi er skoðað nánar.

Til að fá upplýsingar um þema þarf að tvísmella á það, þá verður nafn þess ljósblátt og undirstrikað. Einungis er hægt að fá upplýsingar um eitt þema í einu. Upplýsingar eru veittar um einstakar fitjur (þ.e. hluti á korti, e: "features") og til að kalla þær fram velur notandinn upplýsingahnappinn (i) og bendir á viðkomandi fitju. Reynt hefur verið að stilla fyrirspurnir þannig að fitjur finnist auðveldlega en ef engar upplýsingar birtast hefur notandi að öllum líkindum ekki smellt nógu nákvæmlega á fitjuna og þarf að prófa aftur. Upplýsingar birtast í sérstökum upplýsingaglugga.

 
üYfirlitsmynd
Með því að smella á þennan hnapp er farið í byrjunarstöðu þar sem birtist kort af allri borginni.


qEndurteikna
Með því að smella á þennan hnapp er kortið endurteiknað.  Þetta er nauðsynlegt í hvert sinn sem bætt er við nýju atriði, t.d. kveikt á lögnum, hæðarlínum, framkvæmdum o.s.frv.  eða til að taka í burtu atriði eins og lengdarmælingu.

- Þysja út
Til að þysja út úr myndinni (“zoom out”) smellirðu á þennan hnapp og dregur músina til með hnappinn niðri þangað til kominn er kassi.  Því smærri sem kassinn er því stærra svæði færðu yfirlit af, þegar þú sleppir músarhnappnum. Hægt er að smella einu sinni á kortið með þennan hnapp valinn og þá birtist kort sem þekur tvöfalt stærra svæði á alla kanta en fyrri mynd.

+Þysja inn
Til að þysja inn í myndina (“zoom in”) smellirðu á þennan hnapp og dregur músina til með hnappinn niðri þangað til kominn er kassi af óskaðri stærð og sleppir þá músarhnappnum. Hægt er að smella einu sinni á kortið með þennan hnapp valinn og þá birtist kort sem þekur tvöfalt minna svæði á alla kanta en fyrri mynd.


Hliðra
Þessi hnappur (höndin) er til að færa kortið til. Þú smellir á hnappinn og smellir síðan með vinstri músarhnappnum einhverstaðar á myndina og dregur myndina til svo önnur svæði sjáist. Mælikvarðinn helst óbreyttur.

i Upplýsingar
Þegar búið er að tvísmella á þema í lista (þema undirstrikað) er þessi hnappur valinn og síðan smellt á fitju á viðkomandi þema á kortinu.  Þá kemur upp gluggi sem inniheldur upplýsingar um valið þema. Til að loka glugga er hægt að smella á x í hægra horninu uppi eða smella á endurteiknunartáknið. Fyrir þemu sem eru í flokknum upplýsingar á yfirleitt að benda á hús til þess að fá nánari upplýsingar um viðkomandi hús eða lóðina sem það stendur á, gatnaþemað byggir þó á því að bent sé á miðlínu götunnar.

Ef hringmyndir hafa verið valdar birtast punktar á kortinu og með því að benda á punkt birtist í upplýsingaglugganum ljósmynd af viðkomandi svæði, sem hægt er hreyfa í hringi. Þessar myndir eru spilaðar með “Quick Time” hugbúnaðinum, sem þarf að vera inni á vélinni og ef hann er ekki til staðar er notanda beint inn á vefslóð þar sem nálgast má hugbúnaðinn eða smella hér (www.apple.com/quicktime/download) og fylgja leiðbeiningunum.

Ef lóðablöð hafa verið valin þarf að benda á lóð á kortinu og þá birtist skannað mæliblað af viðkomandi lóð og nágrenni hennar í nýjum vafraglugga.

m Lengdarmæling
Mæla vegalend á korti.  Eftir að hafa valið táknið skal smella á kortið þar sem byrja á að mæla, og smella svo aftur á kortið til að velja brotpunkta á þeim ferli sem á að mæla. Línan sem búið er að teikna hverfur þegar annar hnappur er valinn.


m²Flatarmálsmæling
Mæla flatarmál á svæði sem afmarkað er á kortinu.  Eftir að hafa valið táknið skal smella á kortið þar sem mæla á svæði.  Með því að smella með músinni eru settir inn punktar sem afmarka svæðið sem á að mæla. Flatarmál svæðisins birtist í litlum kassa sem fylgir bendlinum þegar minnst þrír punktar hafa verið settir inn. Boxið sem búið er að teikna hverfur þegar annar hnappur er valinn. Athugið að teikna ekki afmörkunarlínur sem fara í kross.  

c Leita
Leitun eftir götuheiti og húsnúmeri.  Heiti götu og húsnúmer eru slegin inn í nefnifalli og síðan er smellt  á leitarhnappinn.  Þá er viðkomandi heimilisfang sýnt með rauðri stjörnu á kortinu. Ef notandi hefur  þysjað svo mikið inn að heimilisfangið sést ekki er kortið fært í óbreyttum mælikvarða að völdu heimilisfangi.

Uppsetning á Shockwave og Quick Time

Til að skoða Borgarvefsjána þarf Shockwave Player að vera settur upp á viðkomandi vél.  Shockwave er gagnvirkur margmiðlunar búnaður sem gerir manni kleift að skoða hreyfimyndir og aðra gagnvirkar myndir á heimasíðum. 

Eftir að smellt hefur verið á "Download" hnappin og Shockwave er ekki á viðkomandi vél kemur upp gluggi sem gefur til kynna að verið sé að setja þetta forrit á vélina.

Þetta tekur um það bil 10 – 15 mínútur fer eftir því hvað tengingin er hraðvirk.  Hægt er að vinna á vélinni á meðan, einnig skoða aðrar heimasíður.

Þegar uppsetningu er lokið kemur gluggi sem biður um að velja tungumál.

Velja skal efsta tungumálið U.S.English og smella með vinstri músarhnappi á OK.
Þá er uppsetningu lokið og mun Borgarvefsjáin byrtast í vefglugganum.

Til að skoða hringmyndir þarf  “QuickTime” .  Ef þetta forrit er ekki til staðar á vélinni er vísað í heimasíðu þar sem hægt er að nálgast þetta forrit, þegar smellt er með upplýsingahnappnum á hringmyndastjörnu. Þá kemur þessi mynd



Smellið með vinstri músarhnappi á slóðina sem vísar á heimasíðuna.



Smellið með vinstri músarhnappi á “Download QuickTime”

Þá koma eftirfarandi gluggar.

Til að “QuickTime” virki þarf að endurræsa vafrann.

Í næsta skipti þegar hringmyndir eru skoðaðar birtast 360 gráðu myndir í upplýsingaglugganum sem opnast ofan á kortinu.